الكاتب المعروف : صانع القرار

ليش وليش وليش .. والله عقَدووني !!!!

 

ليش... في المسلسل المحلي، في البيوت خمسين ألف قطعة أثاث، وكأنهم ساكنين في «الضجيج» مو في بيت!؟
ليش... في المسلسلات البدوية لازم يدخل رجل على شيخ القبيلة ويقوله «نخيتك»، وشيخ القبيلة كل شوي يقول «لا تكثر من الهرج»... و«صب القهوة يا ولد»... يعني يتكلمون بدوي!؟
ليش... في المسلسلات التاريخية، البطل لاف على رأسه ثلاثين متر خام، ولابس بشت أخضر، وصديري وردي، ودشداشة حمرة، وبنطلون بنفسجي، وقميص فسفوري... ولان المخرجين يتورطون في نوع الأحذية، يلبسونهم «بوت» أسود طويل، وكأنهم عمال مجاري؟!
ليش... الناس فجأة في رمضان يصيرون رياضيين ويمشون بالممشى، مع انه بعد ربع ساعة بيهجمون على الأكل وكأنه صار لهم سنة مو ماكلين!؟
ليش... في المسلسل المحلي الأبو والأم قاعدين بالبيت وكاشخين بكامل ملابسهم الأب لابس غترة وعقال وكاشخ بجوتيه والأم لابسة بدلتها وقاعدة، ليش ولا مرة نشوف ممثل منسدح على القنفة... مثل كل الناس في بيوتهم!؟
ليش... الفنانة حياة الفهد ما تغير دراعتها «البنية المنقطة». صار لها عشر سنين وفقا- لآخر احصائية- ولي الحين ما غيرتها!؟
ليش... المذيعة عندنا إما تتدلع وايد، أو معصبة وتزف الناس وكأنهم بايقين حلالها... ماكو حالة وسط!؟
ليش... قبل الفطور بخمس دقائق، إشارات المرور تصير نحيسة، وتتعمد تصير حمرة، وما تصير خضرة بسرعة!؟
ليش... عندنا أفضل أجهزة تلفزيونات في بيوتنا، ونشوف فيها أسوأ برامج!؟
 
 
 
----------------------------------------------------------------------------
----------------------------------------------------------------------------

للتعليق ..

ليش وليش

02:20, 2008/7/24 تعليق حمد بن مبارك
ليش يااخي كل مرة تسرق مقالات وتنزلها باسمك ......وليش ماتكتب ان الكلام منقول من موضوع..........وليش ماتقبل النقد بصدر رحب وتخلي المشاركات اللي تنقدك وتعري حقيقتك!!!!!!!!!!!!!!

رد على الاخ حمد

05:51, 2008/7/25 تعليق imco
اتمنى انك تثبت لي ان المقال منقول وتكتب عنوان المقال المنقول .لكي نقوم بزيارة هذا العنوان ونأكد صحة كلامك.. اخي العزيز اتوقع انك يا اخ حمد من المبتتدئين في عالم الانترنت وارجو منك ان تأخذ دورات للكمبيوتر والانترنت في الصيف لأنه يوجد عندك اجازة صيفية بين الدراسة. لكي تستفيد وتعرف مقدار الناس الكبار ؟؟

{ الصفحه الأخيره } { صفحه4 من 27 }{ الــصــفــــحـه الـتـــالــيـــهNext page }---->>>>>>>>>>>>>>>
Main page صفحة البداية
------------------------------ بياناتي الشخصية
------------------------------ الأرشيف
-------------------------------
{{ Photo عجائب وغرائب الصور }}
-------------------------------


اضفني الى المفضلة

اضفني الى المفضلة

Image Hosting by Picoodle.com

Image Hosting by Picoodle.com

-----------------------------------
Image Hosting by Picoodle.com

دول المـتواجـدين الآن


آخر المقالات

سامحني ما اقدر اصلي في المسجد عندي ضيوف الحين !!!!
يــا شــيــــخ ... الشيخ فلان بن فلان
الكلب نجس او طاهر ....
ليش وليش وليش .. والله عقَدووني !!!!
مبرووك للرجال الموظفين في الدوائر الحكومية (( الرجل الحامل يلد طفلتة الأولى !!!

عدد زوار الموقع

-->